चन्द्रदेव जोशी
चन्द्रदेव जोशी २०१४ सालदेखि राजनीतिमा लागे। सन् १९७० मा मेकानिकल इन्जिनियरिङमा डिग्री प्राप्त गरे, मस्को पुगेर । उनको ज्यादै रुचिको विषय दर्शनशास्त्र पनि हो । नेपाली काँग्रेसबाट राजनीतिक यात्रा थालेका जोशी मार्क्सवाद अँगाल्न पुगे र २०२२ सालमा कम्युनिष्ट पार्टीको सदस्य बने। प्रथम संविधान सभाको निर्वाचनपछि पार्टी अध्यक्ष तथा संसदीय दलको नेताको रुपमा काम गरेका उनी बाबुराम भट्टराईको मन्त्रिमण्डलमा छोटो समय भूमिसुधार मन्त्री बने । जोशीका "चिप्लिदैँ गएका वर्षहरु" कविता संग्रह, "यात्राः आफ्नै आँगनको" काव्य प्रकाशित छन् । समसामयिक राजनीति, सामाजिक ;सन्दर्भका रचना र विचार सकलित "क्रान्ति पुस्तकमाला" चार खण्डमा प्रकाशित भैसकेका जोशीको "मार्क्सवाद र विश्व कम्युनिष्ट आन्दोलन" प्रकाशोन्मुख छ ।
